საზოგადოება

"მე და ჩემმა ოჯახმა დავკარგეთ გულითადი მეგობარი, რომელიც მაგალითი იყო, თუ როგორ უნდა ემსახურო ხალხსა და ქვეყანას"

image
  • Facebook
  • 338
  • 1 თვის წინ

ბიძინა ივანიშვილი ანზორ ერქომაიშვილი გარდაცვალების გამო მის ოჯახს, ახლობლებს, კოლეგებს და მთელ საქართველოს სამძიმარს უცხადებს.

"უდიდესი დანაკლისი განიცადა საქართველომ - ჩვენ დაგვტოვა დიდმა მამულიშვილმა, სამშობლოზე უზომოდ შეყვარებულმა გამორჩეულმა შემოქმედმა, ანზორ ერქომაიშვილმა.

ანზორ ერქომაიშვილი ემსახურებოდა თითოეული ქართველისთვის ყველაზე ფასეულს - ჩვენს უნიკალურ კულტურას, ქართული პოლიფონიური მუსიკის გადარჩენის, აღდგენისა და მსოფლიოში ამ საგანძურის გატანის საქმეს.

მე და ჩემმა ოჯახმა დავკარგეთ გულითადი მეგობარი, რომელიც ყოველთვის მაგალითი იყო ჩვენთვის, თუ როგორ უნდა ემსახურო შენს ხალხსა და ქვეყანას. ვიზიარებ ამ დიდ ტკივილს და ვუსამძიმრებ ოჯახს, ახლობლებს, კოლეგებს, მთელ საქართველოს", - აღნიშნულია ბიძინა ივანიშვილის სამძიმრის წერილში.