"ვიდრე ​მთავრობის თითოეულ წევრს ბოდიშს არ ​მოუხდით, ​ვერ შემოხვალთ მთავრობის სხდომაზე და იქნებით ასეთი გაფარჩაკებული“
loader

Breaking news

"ვიდრე ​მთავრობის თითოეულ წევრს ბოდიშს არ ​მოუხდით, ​ვერ შემოხვალთ მთავრობის სხდომაზე და იქნებით ასეთი გაფარჩაკებული“

  • ვიდრე მთავრობის თითოეულ წევრს ბოდიშს არ მოუხდით ვერ შემოხვალთ მთავრობის სხდომაზე და იქნებით ასეთი გაფარჩაკებული

თბილისი: დედაქალაქის მთავრობის სხდომის შემდეგ თბილისის მერ კახა კალაძესა და თბილისის საკრებულოს ფრაქცია „ნაციონალური მოძრაობის“ წევრ ლევან ხაბეიშვილს შორის შელაპარაკება მოხდა.

ხაბეიშვილმა კალაძეს "კორუმპირებული", კალაძემ ხაბეიშვილს კი "გაფარჩაკებული" უწოდა.

ლევან ხაბეიშვილის თქმით, მთავრობის სხდომაზე დასწრებას ითხოვდა, რაზეც უარი უთხრეს. ხაბეიშვილი სხდომის დასრულებას დერეფანში ელოდებოდა, რათა დედაქალაქის მერს შეხვედროდა.

მისი თქმით, კახა კალაძისგან აინტერესებდა, რატომ გამოიყო თანხა ბიუჯეტიდან მთავრობის სხდომათა დარბაზის გასარემონტებლად მაშინ, როდესაც ქალაქში ინფრასტრუქტურული პრობლემებია.

"ბატონო კახი, კითხვების რატომ გეშინიათ? 153 ათას ლარს თქვენი ოთახის გარემონტებაში რატომ იხდით? გორგოლაჭებიანი სკამების ყიდვა რომ გინდათ, ნორმალურია? ბოდიში მოუხადეთ დედაქალაქის მოსახლეობას, რომ გაყვლიფეთ ბიუჯეტი“, – მიმართა ლევან ხაბეიშვილმა კახა კალაძეს.

"ვიდრე ​მთავრობის თითოეულ წევრს ბოდიშს არ ​მოუხდით, ​ვერ შემოხვალთ მთავრობის სხდომაზე და იქნებით ასეთი გაფარჩაკებული“, – მიმართა კალაძემ ხაბეიშვილს.


იყავით მიმდინარე მოვლენების საქმის კურსში!
მოიწონეთ ჩვენი არხი Telegram-ზე