"Fitch-ის რეიტინგი არის მკაფიო პოზიტიური გზავნილი ინვესტორებისთვის"
loader

Breaking news

"Fitch-ის რეიტინგი არის მკაფიო პოზიტიური გზავნილი ინვესტორებისთვის"

  • Fitch-ის რეიტინგი არის მკაფიო პოზიტიური გზავნილი ინვესტორებისთვის

თბილისი: "Fitch"-ის რეიტინგი არის მკაფიო პოზიტიური გზავნილი ინვესტორებისა და საერთაშორისო ორგანიზაციების მიმართ, რომ მიუხედავად არსებული გამოწვევებისა საქართველო სტაბილურად აკრძელებს ეკონომიკურ რეფორმებს, რაც აისახებს ქვეყნის საერთაშორისო იმიჯზე“, - განაცხადა თსუ ანალიზისა და პროგნოზების ცენტრის გამგეობის თავმჯდომარე ოთარ ანგურიძემ სარეიტინგო კომპანია "Fitch“-ის მიერ საქართველოს სუვერენული საკრედიტო რეიტინგის შესახებ, რომლის თანახმადაც საქართველოს რეიტინგი „BB“ დონეზე, ხოლო პერსპექტივა სტაბილურ მაჩვენებელზეა.  

ანგარიშის მიხედვით, საქართველოს რეიტინგის ძლიერ მხარეებს წარმოადგენს მიმდინარე ანგარიშის დეფიციტის შემცირება 2018 წელს 7.7%-მდე, სადაც ნათქვამია რომ მომდევნო 2 წელიწადში ანგარიში შემცირდება 5.3%-მდე, რაზეც დიდ გავლენას იქონიებს საპენსიო სისტემა. ანგარიშში აღნიშნულია, რომ მოსალოდნელია პირდაპირი უცხოური ინვესტიციების ზრდა და მთავრობის ვალის მართვის სტრატეგია იძლევა საფუძველს, რომ საგარეო ვალის შემცირება მოხდეს საშუალო ვადიან პერიოდში.

"როგორც კვლევიდან ვიგებთ რეიტინგის შენარჩუნებაზე მნიშვნელოვანი გავლენა იქონია პოლიტიკური მმართველობის ხარისხმა, შოკებისადმი მდგრადობის შენარჩუნებამ და მიმზიდველ საინვესტიციო გარემომ. აღნიშნული გადაწყვეტილება არის საქართველოს მკაფიო მხარდაჭერა, რომელიც საკმაოდ პოზიტიურ გავლენას მოახდენს 2019-2020 წლების ეკონომიკურ ზრდაზე“, - განაცხადა თსუ ანალიზისა და პროგნოზების ცენტრის გამგეობის თავმჯდომარემ.


იყავით მიმდინარე მოვლენების საქმის კურსში!
მოიწონეთ ჩვენი არხი Telegram-ზე