"გეგუტიანთკარში გივი რაზმაძის ოჯახს ერთ თვეში ახალი სახლი ექნება, მინდა ვთხოვო ქართულ ბიზნესს - დაეხმარონ იქ მცხოვრებ ადამიანებს"
loader

Breaking news

"გეგუტიანთკარში გივი რაზმაძის ოჯახს ერთ თვეში ახალი სახლი ექნება, მინდა ვთხოვო ქართულ ბიზნესს - დაეხმარონ იქ მცხოვრებ ადამიანებს"

  • გეგუტიანთკარში გივი რაზმაძის ოჯახს ერთ თვეში ახალი სახლი ექნება მინდა ვთხოვო ქართულ ბიზნესს - დაეხმარონ იქ მცხოვრებ ადამიანებს

თბილისი: მინდა, ვთხოვო ქართულ ბიზნესს, დაეხმარონ გეგუტიანთკარში მცხოვრებ ადამიანებს, – ამის შესახებ „თიბისი ბანკის“ დამფუძნებელი მამუკა ხაზარაძე „ფეისბუქის“ გვერდზე წერს.

"რუსული მცოცავი ოკუპაცია ყოველდღიურად გვართმევს სამშობლოს ნაწილს. ეს არის ბრძოლა ყოველი გოჯი ქართული მიწისთვის, ამ ომს თავისი გმირები ჰყავს - იქ მცხოვრები ადამიანები, რომლებიც შიშველი ხელებით ცდილობენ საკუთარი ოჯახების და ქართული მიწის დაცვას.

დღეს მათ სახლი წაართვეს, რომელიც უკვე ოკუპირებულ 20% -ს მიემატა.

ამ ოჯახებმა ისევ უნდა იცხოვრონ თავიანთ მიწაზე, სადაც ახლა მავთულხლართებს ავლებენ რუსი ჯარისკაცები.

ჩვენი მოვალეობაა მათთან ერთად ვიდგეთ.

ამიტომ გეგუტიანთკარში გივი რაზმაძის ოჯახს უახლოეს ერთ თვეში ახალი სახლი ექნება. აქვე მინდა ვთხოვო ქართულ ბიზნესს - დაეხმარონ იქ მცხოვრებ ადამიანებს.

ქართული კერა არ მოიშლება, ამ ომს ჩვენ მოვიგებთ, საქართველო გაერთიანდება!", - წერს ხაზარაძე სოციალურ ქსელში.


იყავით მიმდინარე მოვლენების საქმის კურსში!
მოიწონეთ ჩვენი არხი Telegram-ზე