თბილისი: ზურაბ ჭავჭავაძის, ყოფილი შეროზიას ქუჩაზე მესამე სართულის აივანი ჩამოინგრა.
შემთხვევის შედეგად არავინ დაშავებულა. შემთხვევის გამო, არ დაზიანებულა არც იქვე, ქუჩაზე მდგარი ავტომანქანები.
სამსართულიან სახლს კულტურული მემკვიდრეობის ძეგლის სტატუსი აქვს.
ადგილობრივების განცხადებით, არაერთხელ მიმართეს კორპუსისთვის აღდგენითი სამუშაოების ჩატარების თაობაზე გამგეობას, თუმცა პასუხი ამ დრომდე არ მიუღიათ.