"2018 წელს უკანონო შემოსავლის ლეგალიზაციის საქმეებზე გამამტყუნებელი განაჩენი დადგა 17 პირი მიმართ"
loader

Breaking news

"2018 წელს უკანონო შემოსავლის ლეგალიზაციის საქმეებზე გამამტყუნებელი განაჩენი დადგა 17 პირი მიმართ"

  • 2018 წელს უკანონო შემოსავლის ლეგალიზაციის საქმეებზე გამამტყუნებელი განაჩენი დადგა 17 პირი მიმართ

თბილისი: საქართველოს პროკურატურის საქმიანობის პრიორიტეტულ მიმართულებას წარმოადგენს უკანონო შემოსავლის ლეგალიზაციის საქმეების ეფექტიანი გამოძიება. საქართველოს პროკურატურის უკანონო შემოსავლის ლეგალიზაციის სამმართველომ 2018 წელს სისხლისსამართლებრივი დევნა 5 სისხლის სამართლის საქმეზე დაიწყო 6 ფიზიკური პირის და 1 იურიდიული პირის მიმართ.  გამამტყუნებელი განაჩენი კი 2018 წელს  დადგა 17 პირი მიმართ, - ამის შესახებ პროკურატურის მიერ პარლამენტისთვის წარდგენილ გასული წლის ანგარიშშია ნათქვამი 

დოკუმენტში აღნიშნულია,რომ უკანონო შემოსავლის ლეგალიზაციის საქმეებზე, საქართველოს პროკურატურის საგამოძიებო დანაყოფების მიერ წარმოებულ ეფექტიან გამოძიებას ადასტურებს დანაშაულებრივი გზით მოპოვებულ ქონებებზე  დადებული ყადაღების  და ჩამორთმეული ქონებების მოცულობა. 

"საქართველოს პროკურატურის წარმოებაში არსებულ საქმეებზე ყადაღა იქნა დადებული დანაშაულებრივი გზით მოპოვებულ შემდეგ ქონებაზე:  2018 წელს - 17 522 495 ევრო, 21 183 776 აშშ დოლარი,  16 629 ლარი, 142 834 ფუნტ სტერლინგი და  6 357 835.91 აშშ დოლარის ღირებულების ფასიანი ქაღალდები (დაახლოებით 125 000 000 ლარი); რაც შეეხება  ჩამორთმეული  დანაშაულებრივი გზით მოპოვებული ქონებების ოდენობას:

2018 წელს - 1 საცხოვრებელი ბინა, 7 ავტომანქანა,  690 000 ლარი,  199  975 ფრანკი,  37 899 აშშ დოლარი“,- ნათქვამია საქართველოს პროკურატურის ანგარიშში. 

საქართველოს გენერალურმა პროკურორმა პარლამენტს 2018  გაწეული საქმიანობის ანგარიში გუშინ წარუდგინა.  დოკუმენტი  სისხლის სამართლის პოლიტიკის განხორციელების შედეგებს, ქვეყანაში ზოგადი კრიმინოგენური ვითარების შეფასებას, მათ შორის, გავრცელებული დანაშაულების სტატისტიკურ მაჩვენებლებს, მათი კატეგორიებისა და ტენდენციების მითითებით, სამართალწარმოების პროცესში ადამიანის უფლებებისა და თავისუფლებების დაცვას, პროკურატურის საქმიანობის პრიორიტეტულ მიმართულებებს პროკურორთა პროფესიული გადამზადებისა და განვითარების პროგრამებს.


იყავით მიმდინარე მოვლენების საქმის კურსში!
მოიწონეთ ჩვენი არხი Telegram-ზე