"ბიძინა ივანიშვილი არის პანიკურ შიშში, შსს, ბატონი გახარია, "ქართული ოცნება“ ზუგდიდში ატარებს ოპერაციას "სვავი"
loader

Breaking news

"ბიძინა ივანიშვილი არის პანიკურ შიშში, შსს, ბატონი გახარია, "ქართული ოცნება“ ზუგდიდში ატარებს ოპერაციას "სვავი"

  • ბიძინა ივანიშვილი არის პანიკურ შიშში შსს ბატონი გახარია ქართული ოცნება ზუგდიდში ატარებს ოპერაციას სვავი

თბილისი: გაერთიანებულმა ოპოზიციამ დღეს ზუგდიდში ამომრჩევლის მოსყიდვის ფაქტები გამოავლინა.

ოპოზიციამ დღეს ის მაღალი თანამდებობის პირებიც დაასახელა, რომლებიც ამომრჩევლების მოსყიდვასა და დაშინებაში არიან ჩართულები.

"ბიძინა ივანიშვილი, "ქართული ოცნება" არის პანიკურ შიშში. იმიტომ, რომ ისინი ზუგდიდში აგებენ არჩევნებს. შსს, ბატონი გახარია, „ქართული ოცნება“ ზუგდიდში ატარებს ოპერაციას სვავი. ამ შემთხვევაში მაღალი თანამდებობის პირები მოვლენილი ჰყავთ ზუგდიდში იმიტომ, რომ კონკრეტულ ადამიანებს ჩამოართვან პირადობის მოწმობა იმისთვის რომ ვერ მოხვდნენ არჩევნებზე და ვერ გამოხატონ საკუთარი ნება. ვერ მისცენ ხმა იმ კანდიდატს, რომელიც მათ სურს. ამაში ჩართულები არიან მაღალი თანამდებობის პირები. მაგალითად, როგორიც არს ჭაბუკა რაფავა,  რომელიც შსს-ს გენერალური ინსპექციის დასავლეთ საქართველოს  უფროსის მოადგილეა. ასევე ბატონი პაატა ზარანდია, რომელიც ფინანსური პოლიციის თანამშრომელია და გახლავთ შს მინისტრის მოადგილის ბატონი კაკავას კადრი. მას კონკრეტულად ჩაბარებული აქვს ჯიხაშკარი, სადაც ეწევა ადამიანების ზეწოლას, ტერორს, დაშინებას და პირადობის მოწმობების ჩამორთმევას. ასევე ბატონი გელა შანავა, რომელიც ფინანსურ პოლიციაში  მუშაობს და ამ შემთხვევაში ამ ადამიანს ჩაბარებული აქვს ქალაქი ზუგდიდი და ზედა ეწერი. ადგილობრივ ზონდერებს რაც შეეხება, დასუფთავების სამსახურის უფროსის მოადგილე ბატონი თენგიზ გოგოლიშვილი, რომელიც ემუქრება თანამშრომლებს სამსახურიდან დათხოვნით იმ შემთხვევაში თუ არ მისცემენ ხმას "ქართულ ოცნებას" ან არ გადასცემენ მათ პირადობის მოწმობას. ასევე ბატონი დავით კოდუა, რომელიც მსგავს სპეცოპერაციას ატარებს დარჩელში და გახლავთ "ქართული ოცნების" შტაბის წევრი და სუს-ის ზონდერი“, -განაცხადა ლევან ხაბეიშვილმა.

ლევან ხაბეიშვილი კონკრეტულ შემთხვევებზეც საუბრობს. ენმ-ს წევრის თქმით, ხელისუფლების მაღალჩინოსნებმა არაოფიციალურ შეხვედრაზე დაიბარა მონადირეები, სადილის დასრულების შემდეგ კი მონადირეებს პირადობის მოწმობები მოსთხოვეს. 


იყავით მიმდინარე მოვლენების საქმის კურსში!
მოიწონეთ ჩვენი არხი Telegram-ზე