"მივმართავ აფხაზეთის იქ არსებულ ხელისუფლებას, ეკოლოგიური პრობლემების გადასაწყვეტად სოხუმში საერთაშორისო სპეციალისტები დაუშვან"
loader

Breaking news

"მივმართავ აფხაზეთის იქ არსებულ ხელისუფლებას, ეკოლოგიური პრობლემების გადასაწყვეტად სოხუმში საერთაშორისო სპეციალისტები დაუშვან"

  • მივმართავ აფხაზეთის იქ არსებულ ხელისუფლებას ეკოლოგიური პრობლემების გადასაწყვეტად სოხუმში საერთაშორისო სპეციალისტები დაუშვან

თბილისი: აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია აფხაზეთში პალმების გაჩეხვასთან დაკავშირებით განცხადებას ავრცელებს.

"სოხუმში, სანაპირო ზოლის გასწვრივ აფხაზეთის სიმბოლოდ ქცეული ასწლოვანი პალმების გაჩეხვა დაიწყო. როგორც ცნობილი გახდა, პალმების გაჩეხვა გამოწვეულია მავნებელი მწერის გავრცელებით, რომელმაც ზღვისპირა ქალაქში დააზიანა პალმები და საფრთხე შეუქმნა სხვა კულტურებსაც. 

ჟენევის საერთაშორისო დისკუსიების ფორმატში საერთაშორისო ორგანიზაციებმა, ჩვენთან შეთანხმებით, დაავადების გავრცელების წინააღმდეგ ერთობლივი ღონისძიებების გატარების თაობაზე მზადყოფნა გამოთქვეს. სამწუხაროდ, გაუგებარი, სუბიექტური მიზეზების გამო, როგორც ჩანს, სოხუმი კვლავ არ აღმოჩნდა მზად ჰუმანიტარულ საკითხებზე კონსტრუქციული ნაბიჯების გადასადგმელად. 

პალმების გაჩეხვა არ არის გამოსავალი, მათი გადარჩენა შესაძლებელია სათანადო ღონისძიებების გატარებით. 

ამიტომ, კიდევ ერთხელ მივმართავ აფხაზეთის იქ არსებულ დღევანდელ ხელისუფლებას, ეკოლოგიური პრობლემების გადასაწყვეტად სოხუმში დაუშვან საერთაშორისო სპეციალისტები. 

ჩვენი პასუხისმგებლობაა მომავალ თაობას შევუნარჩუნოთ ის გარემო, რომელიც უზრუნველყოფს მათ მშვიდობიან ცხოვრებას ეკოლოგიურად ჯანსაღ, ბუნებრივ გარემოში. 

კიდევ ერთხელ ვადასტურებ მზაობას ამ პრობლემის აღმოსაფხვრელად. ეს არის ჰუმანიტარული საკითხი, რომელსაც არანაირი კავშირი არ აქვს პოლიტიკასთან", - აღნიშნულია განცხადებაში.



იყავით მიმდინარე მოვლენების საქმის კურსში!
მოიწონეთ ჩვენი არხი Telegram-ზე