loader

Breaking news

საქართველოს დევნილთა მინისტრმა შიდა ქართლის რეგიონში დევნილი ოჯახებისთვის შესყიდული სახლები მოინახულა

  • საქართველოს დევნილთა მინისტრმა შიდა ქართლის რეგიონში დევნილი ოჯახებისთვის შესყიდული სახლები მოინახულა

საქართველო, თბილისი: საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა სოზარ სუბარმა და შიდა ქართლის გუბერნატორმა კახა სამხარაძემ გორის მუნიციპალიტეტის სოფლებში დევნილი ოჯახებისთვის შესყიდული სახლები მოინახულეს. 


დევნილთა სამინისტროს ინფორმაციით, სამინისტრომ  შიდა ქართლის რეგიონში კერძო სახლი,  საკარმიდამო მიწის ნაკვეთით, 86 დევნილ ოჯახს შეუსყიდა.  


დევნილთა და განსახლების მინისტრმა სოზარ სუბარმა გორის რაიონის სოფლებში ხიდისთავსა და მეჯვრისხევში დევნილ ოჯახებს საწოლები ჩაუტანა. როგორც დევნილთა სამინისტროში აცხადებენ, მიუხედავად იმისა, რომ მეჯვრისხევი ე.წ საზღვართან მდებარეობს, მოდებაძეების ოჯახმა ამ სოფელში ცხოვრება საკუთარი სურვილით აირჩია.      

                                                                                

„სოფლად სახლის“ პროექტის ფარგლებში, დევნილი ოჯახი თავად არჩევს კერძო სახლს საქართველოს ნებისმიერ რეგიონში. სახლებს თან ახლავს მიწის ნაკვეთები, რაც დევნილი ოჯახებისთვის შემოსავლის დამატებით წყაროს წარმოადგენს. 


2013 წლიდან დღემდე, დევნილთა და განსახლების სამინისტრომ, საქართველოს მასშტაბით, სახლი უკვე 1 500-ზე მეტ ოჯახს შეუსყიდა.  


იყავით მიმდინარე მოვლენების საქმის კურსში!
მოიწონეთ ჩვენი არხი Telegram-ზე