ნინო ბურჯანაძე საქართველოში დაგეგმილ საპრეზიდენტო არჩევნებს აფასებს და ყირიმთან დაკავშირებით განცხადებას აკეთებს
loader

Breaking news

ნინო ბურჯანაძე საქართველოში დაგეგმილ საპრეზიდენტო არჩევნებს აფასებს და ყირიმთან დაკავშირებით განცხადებას აკეთებს

  • ნინო ბურჯანაძე საქართველოში დაგეგმილ საპრეზიდენტო არჩევნებს აფასებს და ყირიმთან დაკავშირებით განცხადებას აკეთებს

თბილისი: ქართველი პოლიტიკოსი ნინო ბურჯანაძე Front News International-თან ექსკლუზიურ ინტერვიუში საქართველოში მიმდინარე წინასაარჩევნო კამპანიას აკრიტიკებს და მას ფარსს უწოდებს. ბურჯანაძემ ისაუბრა საქართველოს ნატო-ში გაწევრიანების პერსპექტივებზე, აღიარა ყირიმში ჩატარებული რეფერენდუმი და უკრაინის ხელისუფლება "გონიერების ნაკლებობაში" დაადანაშაულა.

- როგორ აფასებთ საქართველოში არსებულ პოლიტიკურ სიტუაციას ამ დროისთვის?

- ეს საპრეზიდენტო არჩევნები უბრალოდ ფარსია და სხვა არაფერი. იქედან გამომდინარე, რომ მმართველმა პარტია "ქართულმა ოცნებამ" განაცხადა, რომ საპრეზიდენტო არჩევნებზე საკუთარ კანდიდატურას არ დააყენებდა და ოლიგარქი ბიძინა ივანიშვილი შესაძლებლობას აძლევდა დამოუკიდებელ და ოპოზიციონერ კანდიდატებს, რაღაც დროის შემდეგ კი მათ მხარდაჭერა გამოუცხადეს თითქოსდა დამოუკიდებელ კანდიდატ სალომე ზურაბიშვილს, რომელმაც თავად განაცხადა, რომ იქნებოდა დამოუკიდებელი კანდიდატი, რეალურად კი წარმოებდა მოლაპარაკებები და მან მმართველი პარტიისგან ღია, ოფიციალური მხარდაჭერა მიიღო. მმართველმა პარტიამ მაგალითად, განაცხადა, რომ ბიზნესმენებს, რომლებიც "ქართულ ოცნებას" აფინანსებდნენ, თხოვდა, დაეფინანსებინათ ზურაბიშვილი. "ქართული ოცნების" ლიდერები აქტიურად მონაწილეობენ ზურაბიშვილის საარჩევნო კამპანიაში. ანუ ეს უკვე ტყუილი და ფარსია, რომელიც გვაძლევს იმის თქმის საშუალებას, რომ არჩევნები სამართლიანად და თავისუფლად არ ჩატარდება. 

- რომელიმე კანდიდატს თუ აქვს იმის შესაძლებლობა, რომ რეალურად განახორციელოს ის დასახული მიზნები, რასაც საპრეზიდენტო კამპანიისას აცხადებენ?

- მე შემიძლია ღიად გითხრათ, რომ უარს ვაცხადებ ამ ფარსში მონაწილეობაზე და სამწუხაროდ, არცერთ კანდიდატს, რომელიც ახლა ამომრჩეველს დაპირებებს აძლევს, არ აქვს შესაძლებლობა განახორციელოს დანაპირები. არამხოლოდ იმიტომ, რომ ამის რესურსი არ აქვთ, იმიტომაც, რომ პრეზიდენტს არ აქვს აბსოლუტურად არანაირი ბერკეტი იმისთვის, რომ საშინაო ან საგარეო პოლიტიკაზე გავლენა მოახდინოს. ის პრაქტიკულად უფრო სიმბოლურ ფიგურად იქცა, ვიდრე ინგლისის დედოფალი, რომელსაც ექნება სახელწოდება და სასახლე, სადაც იცხოვრებს და სხვა არაფერი.

- სალომე ზურაბიშვილმა ცოტა ხნის წინ განაცხადა, რომ სწორედ საქართველომ მოახდინა რუსეთის პროვოცირება 2008 წლის კონფლიქტის დროს. რამდენად დასაბუთებულად მიიჩნევთ ასეთ განცხადებას?

- მე არ გავაკეთებ კომენტარს იმაზე, რასაც სალომე ზურაბიშვილი ამბობს. დიდი ხნით ადრე ამ განცხადებამდე მე განვაცხადე, რომ 2008 წლის აგვისტოში ამ კონფლიქტის თავიდან აცილება შესაძლებელი იყო და რომ ამ კონფლიქტში დამნაშავე სააკაშვილია, რომელმაც გასცა მითითება და საბრძოლო მოქმედებები დაიწყო. ეს ჩემი პოზიციაა, რასაც გარკვეულწილად დაემთხვა ზურაბიშვილის განცხადება. იმის შემდეგ კი, რაც ის გააკრიტიკეს, არ მორიდებია მეორე დღეს გამოსულიყო და საჯაროდ უარი ეთქვა საკუთარ პოზიციაზე და განაცხადა, რომ სინამდვილეში ამბობდა იმას, რომ ომი დაიწყო რუსეთმა.

 - მხარს უჭერთ საქართველოს ნატო-ში გაწევრიანებას?

- არა, არ ვუჭერ მხარს, რადგან საქართველოს ტერიტორიაზე განლაგებულია ორი რუსული სამხედრო ბაზა. პირველ რიგში, ჩვენ არავინ მიგვიღებს ნატო-ში, თუ საქართველოს ნაწილი მაინც შევა ალიანსში - ეს ნიშნავს ქვეყნის ორ ნაწილად გაყოფას, როდესაც ერთ ნაწილში იქნება რუსული ჯარი, მეორე ნაწილში კი - ნატო-ს ჯარები. ეს ნიშნავს, რომ ქვეყანა იქნება გაყოფილი, რაც მიუღებელია. თუ იქნება მნიშვნელობავი მიზანი, მაგალითად ტერორიზმთან ბრძოლა, ეს მისაღებია, მაგრამ საქართველოში ნატო-ს ჯარის განთავსება ან ქვეყნის ალიანსში გაწევრიანება საზიანოა. 

- ამჟამად რუსეთს ღია ომი აქვს უკრაინასთან, თქვენი აზრით, როგორ შეიძლება ეს კონფლიქტი მოგვარდეს?

- არ ვიტყვი, რომ რუსეთს უკრაინასთან ღია ომი აქვს. სამწუხაროდ, უკრაინამ ისეთი შეცდომები დაუშვა, რომ ეს დაპირისპირება სრულიად რეალური გახდა. უკრაინის ხელისუფლება რომ სხვანაირად  და ჭკვიანურად მოქცეულიყო, ყირიმი დღეს უკრაინის იქნებოდა, დონბასში კი არანაირი საბრძოლო მოქმედებები არ იქნებოდა. 

- რას გულისხმობთ?

- არ იყო საჭირო ისეთი ნაბიჯების გადადგა, როგორიც სააკაშვილმა გადადგა.როდესაც იანუკოვიჩი ვადამდელ არჩევნებს დათანხმდა, არ იყო საჭირო მეორე დღესვე იმის თქმა, რომ ადამიანები, რომლებიც რუსულ ენაზე ისაუბრდნენ, დაპატიმრებული იქნებოდნენ.  ეს იყო სახელმწიფო გადატრიალება.  რა თქმა უნდა, რუსეთმა ეს თავისი ინტერესებისთვის გამოიყენა და მოხდა ის, რაც მოხდა. ამაში გასაოცარი არაფერია, ამაში დამნაშავეა ხელისუფლება უჭკუობის გამო, რომ დაკარგა ის, რაც დაკარგა.

- როგორ ფიქრობთ, ყირიმი ანექსირებულია რუსეთის მიერ?

- ყირიმში რეფერენდუმი ჩატარდა.

- ამ რეფერენდუმს კანონიერად მიიჩნევთ?

- იცით, მე არ ვარ იმის მომხრე, რომ სახელმწიფოს საზღვრები შეიცვალოს. ფაქტია, რომ ჩვენ გვაქვს კონფლიქტური სიტუაციები, მაგრამ ეს ორი რეფერენდუმი - აფხაზეთსა და სამხრეთ ოსეთში და ყირიმში, სხვადასხვაა, აფხაზეთსა და სამხრეთ ოსეთში მოსახლეობის უმრავლესობა, ეთნიკური ქართველები ამ რეგიონების ტერიტორიებიდან გამოაძევეს და არც რეფერენდუმზე და არც არჩევნებზე ხმის მიცემის შესაძლებლობა არ ჰქონდათ. ყირიმში სხვა სიტუაციაა. ყირიმში ჩატარდა რეფერენდუმი, რომელშიც მოსახლეობის 90%-მა მიიღო მონაწილეობა და უკრაინამ უნდა გაიგოს, რომ ეს რეალობაა, რადგან ყირიმში ცხოვრობენ არა პრორუსი ადამიანები, არამედ უბრალოდ რუსები, რომლებიც თავს რუსეთის ნაწილად მიიჩნევენ. საერთაშორისო სამართალთან გარკვეული წინააღმდეგობების მიუხედავად, ამ შემთხვევაში ყირიმმა ხალხთა თვითგამორკვევის პრინციპი გამოიყენა.

- საქართველოს უშიშროების ყოფილმა მინისტრმა იგორ გიორგაძემ განაცხადა, რომ ხელთ არსებული დოკუმენტები "ლუგარის ლაბორატორიაში" მოსახლეობისთვის სახიფათო ექსპერიმენტების ჩატარებას ადასტურებს. რუსეთის ხელისუფლება და მის მიერ კონტროლირებადი მედია ამტკიცებს, რომ ლაბორატორიაში ბიოლოგიური იარაღი მუშავდება. რა ხდება რეალურად?

- ამ ლაბორატორიის შესახებ სამწუხაროდ, არაფრის თქმა არ შემიძლია, რადგან ის მაშინ გაიხსნა, როდესაც მე ხელისუფლებიდან წავედი, სარწმუნო ინფორმაცია კი არ მაქვს. რა თქმა უნდა, მსგავსი ლაბორატორიის ქონა ასეთი პატარა ქვეყნის ტერიტორიაზე, მიუღებელია.


ივან როსადა, FNI 


იყავით მიმდინარე მოვლენების საქმის კურსში!
მოიწონეთ ჩვენი არხი Telegram-ზე