ევროკავშირი სირიის რეჟიმის მიერ საქართველოს ოკუპირებული რეგიონების დამოუკიდებელ სახელმწიფოებად აღიარებას გმობს
loader

Breaking news

ევროკავშირი სირიის რეჟიმის მიერ საქართველოს ოკუპირებული რეგიონების დამოუკიდებელ სახელმწიფოებად აღიარებას გმობს

  • ევროკავშირი სირიის რეჟიმის მიერ საქართველოს ოკუპირებული რეგიონების დამოუკიდებელ სახელმწიფოებად აღიარებას გმობს

თბილისი: ევროკავშირი სირიის რეჟიმის მიერ საქართველოს რეგიონების – აფხაზეთისა და ე.წ. სამხრეთ ოსეთის დამოუკიდებელ სახელმწიფოებად აღიარებას და მათთან დიპლომატიური ურთიერთობების დამყარებას გმობს. ამის შესახებ ევროკავშირის საგარეო ქმედებათა სამსახურის მიერ გავრცელებულ განცხადებაშია ნათქვამი.

"ეს არის საერთაშორისო სამართლის და ტერიტორიული მთლიანობის პრინციპის დარღვევა. ევროკავშირი სრულად უჭერს მხარს საქართველოს სუვერენიტეტს და ტერიტორიულ მთლიანობას საერთაშორისოდ აღიარებულ საზღვრებში“, – აცხადებენ ევროკავშირში.

ევროკავშირში აცხადებენ, რომ მხარს უჭერენ კონფლიქტის მოგვარების ძალისხმევას, მათ შორის, სამხრეთ კავკასიაში ევროკავშირის სპეციალური წარმომადგენლისა და ევროკავშირის მისიის მუშაობას.

სირიის საგარეო საქმეთა სამინისტრომ დღეს განაცხადა, რომ სირიამ ოკუპირებული აფხაზეთის და ე.წ. სამხრეთ ოსეთის "დამოუკიდებლობა აღიარა“. საქართველომ სირიასთან დიპლომატიური ურთიერთობების გაწყვეტის პროცედურები დაიწყო.


იყავით მიმდინარე მოვლენების საქმის კურსში!
მოიწონეთ ჩვენი არხი Telegram-ზე