სირიაში 105 რაკეტა გაუშვეს, რაკეტებმა ყველა სამიზნეს წარმატებულად მიაღწიეს
loader

Breaking news

სირიაში 105 რაკეტა გაუშვეს, რაკეტებმა ყველა სამიზნეს წარმატებულად მიაღწიეს

  • სირიაში 105 რაკეტა გაუშვეს რაკეტებმა ყველა სამიზნეს წარმატებულად მიაღწიეს

თბილისი: პენტაგონის ოფიციალური განცხადებით, აშშ-მა, დიდმა ბრიტანეთმა და საფრანგეთმა სირიაში ქიმიური იარაღის მწარმოებელ ობიექტებზე 105 სარაკეტო იერიში მიიტანეს. აშშ-ის თავდაცვის სამინისტროს განცხადებით, ამ სპეცოპერაციით სირიის ხელისუფლების ქიმიური იარაღის პროგრამას "რამდენიმე წლით" ბოლო მოეღო.

14 აპრილს, გამთენიისას, დაახლოებით 04:00 საათზე, ამერიკის შეერთებულმა შტატებმა, დიდმა ბრიტანეთმა და საფრანგეთმა სარაკეტო იერიში მიიტანეს დამასკოსა და ჰომსის პროვინციაზე. ეს იყო კოალიციის პასუხი სირიის დედაქალაქის შემოგარენში, დუმაზე მიტანილ ქიმიურ შეტევაზე, რაშიც ისინი ასადის სამხედროებს ადანაშაულებენ.  

მთავარ სამიზნეებად იქცა სამეცნიერო-კვლევითი ცენტრი დამასკოში, რომელიც სავარაუდოდ, დაკავშირებულია ქიმიური იარაღის შექმნასთან, ასევე ორი საწყობი პროვინცია ჰომსში.

BBC-ის ცნობით, მოკავშირეების იერიში სირიაში რუსეთის პოზიციებს არ შეხებია.

აშშ-ის პრეზიდენტმა დონალდ ტრამპმა სირიაში ავიერიში დადებითად შეაფასა და "მისია შესრულებულად" გამოაცხადა.


იყავით მიმდინარე მოვლენების საქმის კურსში!
მოიწონეთ ჩვენი არხი Telegram-ზე