loader

Breaking news

ლევან ბეჟაშვილი - უღირსობა და ფსკერი! აი, ეს კომენტარი შეიძლება გქონდეს ადამიანში იმედგაცრუების მერე

  • ლევან ბეჟაშვილი - უღირსობა და ფსკერი აი ეს კომენტარი შეიძლება გქონდეს ადამიანში იმედგაცრუების მერე

თბილისი: "ნაციონალური მოძრაობის" წევრი ლევან ბეჟაშვილი საჯარო რეესტრის ეროვნული სააგენტოს ყოფილი ხელმძღვანელის პაპუნა უგრეხელიძის მიერ გაკეთებულ განცხადებას ეხმაურება.

"ჟურნალისტი დამიკავშირდა და პაპუნა უგრეხელიძეზე კომენტარი მთხოვა. უარის სათქმელად მოვემზადე, რადგან მასთან მრავალწლიანი (სტუდენტობიდან) კარგი მეგობრობა მაკავშირებდა და მის სახელთან დაკავშირებული სკანდალური ინფორმაცია სასიამოვნო მოსასმენი არ იყო ჩემთვის. მთავარი მოულოდნელობა თურმე წინ მელოდა. პაპუნას თავის განცხადებაში მე ვუხსენებივარ....

პაპუნამ სექსუალურ შევიწროვებაში მისი დადანაშაულება პოლიტიკური ანგარიშსწორებად შეაფასა და ირიბად თუ პირდაპირ ჩემ სახელთან დააკავშირა.

თვალწინ დამიდგა სტუდენტობა, ერთად გატარებული წლები... რად უნდა გიღირდეს ქალზე შურისძიება, რომ ყველაფერს ამას ხაზი გადაუსვა უღირსი სპეკულაციით?!

მხოლოდ ფაქტები:

1. დაზარალებულის სახელი დღეს, მისი პოსტიდან შევიტყვე. (ამ ინფორმაციის გაჟღერიბით, პაპუნამ უხეშად დაარღვია საქართველოს კანონმდებლობა)

2. დაზარალებული ჩემი ყ ო ფ ი ლ ი მეუღლის ნათესავია. არც მასთან და არც სხვა ნათესავებთან 10 წელზე მეტია, ურთიერთობა არ მაქვს სამწუხაროდ. არც მათ კარიერულ წინსვლაში არ მიმიძღვის წილი, მათ ჩემს პოლიტიკაში მოსვლამდე ბევრად ადრე დაიწყეს მუშაობა და თავიანთი პროფესიონალიზმით აღწევდნენ წარმატებას.

3. დაზარალებული ქალბატონი ღირსებით სავსე, წესიერი ადამიანია. ვუცხადებ სრულ ნდობას და მხარდაჭერას.

უღირსობა და ფსკერი! - აი, ეს კომენტარი შეიძლება გქონდეს ადამიანში იმედგაცრუების მერე", - წერს ბეჟაშვილი სოციალურ ქსელში.


იყავით მიმდინარე მოვლენების საქმის კურსში!
მოიწონეთ ჩვენი არხი Telegram-ზე