კემეროვოში ხანძრის შედეგად 41 ბავშვი დაიღუპა
loader

Breaking news

კემეროვოში ხანძრის შედეგად 41 ბავშვი დაიღუპა

  • კემეროვოში ხანძრის შედეგად 41 ბავშვი დაიღუპა

კიევი: კემეროვოში სავაჭრო ცენტრში ხანძრის შედეგად 41 ბავშვი დაიღუპა. ეს ინფორმაცია რუსულ მედიასთან საგანგებო სამსახურის წარმომადგენელმა დაადასტურა.

მისივე ცნობით, ამჟამად საავადმყოფოში კიდევ 14 ადამიანი რჩება, რომელთა შორის ბავშვებიც არიან.

ამ დროისთვის არსებული ოფიციალური მონაცემებით, სავაჭრო ცენტრში ხანძრის შედეგად დაღუპულია სულ 64 მოქალაქე. მათი იდენტიფიცირების პროცესი გრძელდება.

ამასთან, კემეროვოში მიტინგი მიმდინარეობს, რომლის მონაწილეები მომხდარის გამო ადგილობრივი ხელისუფლების გადადგომას ითხოვენ.

კემეროვოში სავაჭრო ცენტრი 25 მარტს დაიწვა. ხანძრის გამომწვევ მიზეზად მოკლე ჩართვა სახელდება. ამასთან, გამოძიება სამსახურებრივი გულგრილობის მუხლით არის აღძრული. დაკავებულია ხუთი პირი, მათ შორის შენობის მფლობელი და დაცვის თანამშრომელი, რომელმაც გამოძიების მტკიცებით, სახანძრო სიგნალიზაცია გამორთო. თუმცა, ადგილობრივი მედია წერს, რომ სავაჭრო ცენტრში სახანძრო სიგნალიზაცია რამდენიმე კვირა არ მუშაობდა და ამის შესახებ მეპატრონეები ინფორმირებული იყვნენ.


იყავით მიმდინარე მოვლენების საქმის კურსში!
მოიწონეთ ჩვენი არხი Telegram-ზე