საქართველოს პრემიერ-მინისტრი უკრაინის ვიცე-პრემიერს შეხვდა
loader

Breaking news

საქართველოს პრემიერ-მინისტრი უკრაინის ვიცე-პრემიერს შეხვდა

  • საქართველოს პრემიერ-მინისტრი უკრაინის ვიცე-პრემიერს შეხვდა

თბილისი: საქართველოს პრემიერ-მინისტრი გიორგი კვირიკაშვილი უკრაინის ვიცე-პრემიერს, სოციალური პოლიტიკის მინისტრ პავლო როზენკოს შეხვდა, რომელიც სოციალური პროგრამების მიმართულებით, საქართველოს გამოცდილებას ეცნობა.

პავლო როზენკომ აღნიშნა, რომ უკრაინისთვის საინტერესო და მნიშვნელოვანია, გაიზიაროს ჯანმრთელობის, სოციალური დაცვისა და იძულებით გადაადგილებულ პირთა მხარდაჭერის კუთხით საქართველოში არსებული თანამედროვე პროგრამები. საქართველოს პრემიერ-მინისტრმა უკრაინის ვიცე-პრემიერს მიაწოდა ინფორმაცია ქვეყანაში ბოლო პერიოდში განხორციელებული და მიმდინარე რეფორმების შესახებ.

შეხვედრისას საუბარი შეეხო სხვადასხვა მიმართულებით ორმხრივი ურთიერთობების განვითარების პოზიტიურ დინამიკას და აღინიშნა, რომ ამაზე მაღალი დონის ვიზიტებიც მეტყველებს.

მხარეებმა ასევე ისაუბრეს ორი ქვეყნის წინაშე არსებულ საერთო გამოწვევებზე და ტერიტორიული მთლიანობისა და სუვერენიტეტისადმი ურთიერთმხარდაჭერა კიდევ ერთხელ დაადასტურეს.

შეხვედრას საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი და პრემიერ-მინისტრის მრჩეველი საგარეო ურთიერთობათა საკითხებში თედო ჯაფარიძე დაესწრნენ.



იყავით მიმდინარე მოვლენების საქმის კურსში!
მოიწონეთ ჩვენი არხი Telegram-ზე